Kar have tevadhe waar | Guru Thakur | Marathi Kavita

कर हवे तेवढे वार

नशिबास कर हवे तेवढे वार म्हणालो
मानणार ना तरी कधी मी हार म्हणालो,


केला सौदा संकटांसवे आणि व्यथेला
खुशाल यावे उघडे आहे दार म्हणालो,

रिचवुन सारे तुडुंब प्याले अपमानाचे
दगाबाज दु:खालाही आभार म्हणालो,

खेळवुनी मज अखेर जेव्हा नियती दमली
डाव नवा मांडुन तिला तैयार म्हणालो,

रडलो नाही लढलो, भिडलो आयुष्याला
राखेतुनही उठलो अन याल्गार म्हणालो

_ गुरु ठाकूर


Reference: guruthakur.in